MASLAHATLAR

Yotoqxonada devorlarni pardozlash

Siz har kuni dam oladigan va uxlaydigan xonani pardozlash uchun tabiiy materiallarni tanlash lozim. Notabiiy materiallar havo o‘tkazmaydi, xonadagi mikroiqlimni buzadi, uyqu va sog‘liqqa yomon ta’sir etuvchi zararli moddalar ajratib chiqaradi. Ustabor.uz yotoqxonadagi devorlarni toza ekologik pardozlash uchun 8 ta materiallarni taklif etadi:


BO‘YoQ


Ehtimol, devorlarni eng yengil va narxi bo‘yicha arzon pardozlash turi bu bo‘yoqlashdir. Devorlarni bo‘yash va qayta bo‘yash jarayoni juda oddiy.


Bitta shart: ideal tekislangan devorlar. Yotoqxona uchun jilosiz bo‘yoqlarni tanlang. Jiloli bo‘yoqlar yoritish manbalaridan devorlarda noma’qul akslarni vujudga kelish sababi bo‘lishi mumkin. Bo‘yoqlarni ekologik, yorug‘lik va namlikka chidamli, o’tkir hidsizini tanlang. Bu kriteriylar bo‘yicha, vodoemulsion, akril, suvlidispersion va lateks bo‘yoqlar mos tushadi. Och ranglar xonani vizual kengaytiradi, to‘q esa – toraytiradi. Devor va shiftni bo‘yoqlayotganda, ham interyer narsalaridagi bir xil rangning xar xil rangalaridan foydalanib monoxrom dizaynni turlantirsa bo‘ladi. Agar siz har xil ranglardan foydalanmoqchi bo‘lsangiz, u holda aksent devorni asosiy rangga qarama-qarshi rangda bo‘yashingiz mumkin. Bu qaror bilan siz nafaqat yotoqxonani qiziqroq qilasiz, balki xonaga birga kiruvchini nazarini xonaning asosiy narsasiga (ko‘pincha, bu karavot) qaratishingiz mumkin.



 
GULQOG‘OZ


Gulqog‘ozlar bozori ranglar, rasmlar, shakllar va materiallarning katta tanlovini tavsiya qilmoqda. Sog‘ uyquni saqlab qolish uchun havo almashinuvchiga to‘sqinlik qilmaydigan tabiiy materiallardan ishlab chiqilgan gulqog‘ozlarni tanlang.


Qog‘oz gulqog‘ozlar boshqalarga qaraganda devorlarga nafas olishga imkon yaratuvchi ko‘proq havoni o‘tkazadi. Qog‘oz gulqog‘ozlari har xil ranglarda bo‘ladi va arzon turadi. Ammo! Agar yotoqxona uyning quyoshli tomonida joylashgan bo‘lsa va yaxshi yoritilayotgan bo‘lsa, u holda qog‘oz gulqog‘ozlar yaqin orada quyosh yorug‘ligidan rangi o‘chib ketadi. Qog‘oz gulqog‘ozlarni tanlayotganda unutmang, qog‘oz namlik va olovga chidamli emas.



Flizelin gulqog‘ozlar, ular vinil qatlamisiz, yaxshi havo o‘tkazuvchanlikka ega, shuning uchun ular yotoqxona devorlarini pardozlashga mos keladi. Rangsiz flizelin gulqog‘ozlar bo‘yoshga yaroqli. Flizelin gulqog‘ozlar ideal tekis yuzaga yopishtiriladi. Bu turdagi gulqog‘ozlar namlik va yong‘inga chidamli.


Tekstil gulqog‘ozlar tabiiy matolardan tayyorlangan, devorlarga nafas olishga imkon beradi. Mato changni o‘ziga oladi, shuning uchun gulqog‘ozga muntazam va zaruriy (quruq) e’tibor kerak. Maxsus shimdirgich bilan ishlov berilgan tekstil gulqog‘ozlarni tanlang. Ba’zi matolar to‘g‘ridan-to‘g‘ri quyosh nurlaridan rangini yo‘qotishi mumkin. Tekstil gulqog‘ozlar yaxshi ovoz va issiqlik izolyatsiyasiga egadir, ammo yong‘in va namlikka turg‘un emas. Odatda tekstil gulqog‘ozlarni xonada stilli interyerni tashkil qilish uchun, ma’lum uchastkalarni pardozlash uchun qo‘llaniladi.





Yotoqxonani pardozlash uchun shu bilan birga shishamatoli, probkali va suyuq gulqog‘ozlar mos keladi. Yotoqxona uchun devorlarga nafas olishga yo‘l qo‘ymaydigan vinil va metall gulqog‘ozlar to‘g‘ri kelmaydi. Devorlarga dekorativ yopishtirgichlar vinil va metall bo‘lishi mumkin.



Gulqog‘oz turlari va ularning xarakteristikasi maqolasini o‘qish.

Fotogulqog‘ozlar yordamida xonaga ma’lum atmosferani yaratish, aksent devorni ajratish va kar devordagi perspektiv fotosurat hisobiga xonani vizual kengroq qilish mumkin. Yotoqxonaga gulqog‘ozlarning rangini yoki rasmlarini tanlash haqida keyingi mavzuda o‘qishingiz mumkin.



DEKORATIV ShTUKATURKA


Dekorativ shtukaturka bilan devorlarni pardozlash kamolsizlikni yashirish va qaytarilmas naqshni hosil qilish mumkin. Shtukaturka ekologikdir, surtishda va parvarishlashda soddadir, ammo devorlarni bo‘yash yoki gulqog‘oz yopishtirishdan qimmatga tushishi mumkin.


Faktur shtukaturka, tarkibiga mayda toshlar, slyuda yoki qirindilar kiruvchi eng arzon variant bo‘ladi. Tarkibida kvars zarralari bo‘lgan struktur shtukaturka devorda mozaika effektini yaratishi mumkin. Tarkibida mramor zarralari bo‘lgan venetsian shtukaturka yordamida esa devor yuzasi silliq va yaltiroq chiqadi.


Dekorativ tosh kabi shtukaturka ham xonaga qo‘shimcha hajmni beradi.



DEKORATIV TOSh


Agar siz yotoqxona interyeriga ozgina mramor yoki g‘isht kiritmoqchi bo‘lsangiz, u holda tabiiy toshdan foydalanish shart emas. Dekorativ tosh har xil tog‘ jinslarini imitatsiya qiladi va u yengilroq, arzon va montaj vaqtida ko‘p qiyinchiliklar keltirmaydi.


Sun’iy tosh – mustahkam va ekologik materialdir. Yotoqxona interyeri shinam bo‘lishi uchun tosh bilan barcha devorlarga pardoz berish shart emas, balki devorlarning ma’lum qismlariga ishlov bersa bo‘ladi.



YoG‘OCh VAGONKA


“Hech narsa tabiat kabi tinchlantirmaydi”. Bu ibora bilan kim rozi bo‘lsa devorlarni tabiiy yog‘och bilan pardozlash g‘oyasi yoqadi. Dam olish xonasida yog‘ochdan devorlar yaxshi ko‘ringandan tashqari xonada sog‘lom mikroiqlimni ham va optimal namlik darajasini ham ushlab turadi. Yog‘och vagonka bilan devorlarni pardozlash yotoqxonada qo‘shimcha issiqlik va shovqin izolyatsiyasini tashkil etadi. Yog‘ochning kamchiliklaridan biri bu namlikka va zararkunandalarga turg‘unligi pastligidadir.


Yog‘och vagonkani xarid qilayotganda ularga maxsus shimdirgich bilan ishlov berilganligiga ishonch hosil qiling.


Vagonkaning tashqi ko‘rinishi narxiga o‘xshab yog‘och sifatiga bog‘liq. Eng erishilsa bo‘ladigan turlardan qarag‘ay va qoraqarag‘aydir.



MDF PANELLAR


Yog‘ochni yoki toshni imitatsiya qilish uchun MDF panellaridan keng foydalaniladi. Ular varaq, plitka va reyka ko‘rinishida bo‘lishi mumkin. Panellarning yuza tarafi bo‘yalgan, shponirlangan yoki laminatsiyalangan bo‘lishi mumkin. Yuzasi silliq yoki relyef bo‘lishi mumkin.
MDF panellar ekologik, mustahkam, ammo og‘ir va omilkorligi pastdir. MDF panelli devorga biror bir narsani osish uchun maxsus qotirgichlardan foydalanish zarur.

3D PANELLAR


Oxirgi paytlarda odamlar har xil xonalarni pardozlashda ko‘proq 3D panellaridan foydalanadilar. Ular yordamida xona bo‘shlig‘i kengroq, devorlarni pardozlash esa stilli va zamonaviy bo‘ladi. Issiqlik shovqin izolyatsiyali va namlikka chidamli ekologik toza va mustahkam materialdir, keyinchalik bo‘yoqlash yoki lok bilan qoplashga yaroqlidir.
Yotoqxonada 3D panelni interyerning dekorativ elementi ko‘rinishida ishlatish yaxshidir. Odatda u bilan karavot orqasidagi devor yoki xonaning ma’lum qismlariga o‘rnatiladi.





YuMShOQ PANELLAR


Yotoqxona devorlarida qo‘shimcha issiqlik yoki shovqin izolyatsiyasi uchun yumshoq panellar o‘rnatsa bo‘ladi. Yumshoq panelning tashqi tomoni barcha turdagi mato, teri va boshqa materiallardan qiiinadi va shuning uchun xohlagan interyer stiliga a’lo mos kelishi mumkin. Barchasi, tanlangan mato, uning teksturasi va rangiga bog‘liq. Yumshoq panellarning qabariq yuzasi hisobiga devorlarning notekis joylarini yashirish mumkin, hamda xonaga kenglik taqdim etsa bo‘ladi. Afzalliklaridan tashqari yumshoq panellar aytarli kamchiliklarga egadir. Ularga osongina ziyon yetkazish va ularning ustida chang yig‘iladi. Shuning uchun, yumshoq panellar alohida parvarishga muhtoj. Odatda yumshoq panel bilan karavot orqasidagi devorni issiqlik va shovqin izolyatsiyasi tariqasida va dekorativ element sifatida ham o‘rnatiladi.





Devorlarni pardozlash uchun ustalarni Ustabor.uz ustalar katalogidan toping.