USTALAR

Biz hayratdamiz! Metal bilan nimalar qilishyapti

Badiiy bolg‘alash elementlari – juda nozik bezaklar bo‘lib, ular uy egasining dididan va farovonligidan dalolat beradi. Temirchilik kasbi – eng qadimiy hunarlardan. Metal bilan ishlashni biladigan, badiiy bolg‘alash sirlaridan xabardor kishilar ming yillardan beri hurmat va e’tiborga sazovor bo‘lishgan, ularning ustaligi bugungi kunda ham yuqori baholanmoqda.

IMG_7491.jpg

Bolg‘alanib tayyorlangan narvonlar, to‘siqlar, panjara va darvozalar, interyer elementlari – bularni hammasi temirchilik kasbi haqiqiy ustalarining izmidadir. Metaldan tayyorlangan har qanday element buyurtmachining faxri hamda mehmonlar va qo‘shnilarning orzusiga aylanadi. Bolg‘alangan elementlar o‘ziga diqqatni jalb etadi, ko‘pchilik metalning sovuq massivini his etishni va hayratomuz ornamentlarini tomosha qilishni istab qoladi... Bolg‘alangan buyumlarda olovning tafti va usta qalbining bir parchasi saqlanib qolgandek, go‘yo.

99842338-kovka-hudozhestvennaya-kuhonnaya.jpg

Ilgarilari bolg‘alangan mebelni badavlat kishilarning uylarida ko‘rish mumkin edi, xolos. Stollar, stullar, karavotlar. Metaldan har xil interyer ashyolari yaratishgan: qandillar, ko‘tarmalar, rasmlar uchun ramkalar, taqinchoqlar. Bugungi kunda ham shu narsalarni yasashmoqda, o‘rtacha boylikka ega kishi o‘z uyini chiroyli qilib bezash imkoniyatiga egadir.

e98e895e82a25f92ff0632783d277010.jpg

Badiiy bolg‘alashni noyob hunarlar toifasiga kiritishadi. Bu sohaning mutaxassislari barmoq bilan sanarli. Shuning uchun ularni topish ancha qiyin. Hatto Toshkentdek katta shaharda ham. O‘z shaxsiy uyini qurishga kirishgan kishilarning ko‘pchiligi bolg‘alangan ashyolar yaratishga oldindan buyurtma berishadi. Na iloj? Mohir temirchilar uchun navbatda turish lozim ekan. Darvoqe…

krovat1.jpg

Ba’zan buning boshqa ilojini qilsa ham bo‘ladi. Katalogda Toshkent bo‘yicha metalni bolg‘alash bilan shug‘ullanadigan bir qator mutaxassislar taqdim etilgan. Buyurtmachi birdaniga bir nechta muammoni hal etadi. O‘zingiz o‘ylab ko‘ring: bolg‘alanadigan darvoza yoki boshqa buyumlar yasaydigan mutaxassisni do‘stlaringiz yoki tanishlaringiz orqali axtarishga hojat yo‘q; bajarilgan ishlar (bolg‘alangan devorlar, panjaralar, perilalar, mebel) ning suratlariga, reytingga va ular taqdim etgan ma’lumotlarga qarab, ustani tanlash mumkin; savdolashish imkoniyati ham bor. Siz albatta o‘z ustangizni toopasiz.