YANGILIKLAR

KNAUF O’zbekistonda Quruvchilar kunini nishonlaydi

Bu yil an’anaga binoan KNAUF kompaniyasi O’zbekistonning barcha viloyatlarida qurilish sohasi xodimlari uchun bayram tadbirlarini tashkillashtiradi. Ko’ngilochar tadbirlar 2018 yil 6-12 avgust kunlari respublikamizning 12 shahrida o’tkaziladi. 


Ikkita brendlashtirilgan yuk avtoulovlari bayramona dasturlari bilan bir hafta mobaynida mamlakatimizning barcha ma’muriy markazlaridan o’tadi. Viloyat aholisini raqs bo’yicha mahorat-darslari, fokuschilar chiqishlari hamda turli tanlovlar va esdalik sovg’alari kutmoqda.

Toshkent shahrida Quruvchilar kuni bayrami «Ta’mirchilik – bu san’at» shiori ostida bo’lib o’tadi. 12 avgust kuni KNAUF kompaniyasi tomonidan poytahtimizning uchta savdo markazlarida, xususan Samarqand Darvoza, Next va Parus savdo markazlarida ijodiy fotozonalar bezatiladi. Toshkent shahri aholisi uchun bir kunga mashhur o’zbek rassomi Bobur Ismoilovning o’ziga xos asarlari qayta tiklanadi va tomoshabinlar ko’z o’ngida tom ma’noda jonlantiriladi. G’aroyib kahramonlar tadbir ishtirokchilarini sharqona durdona asarlarning xushmanzara kompozitsiyalariga sho’ng’ishlari uchun rasmlardan chiqib keladilar. Devorlarni naqsh bilan bezashda Hope Rixieva bo’lib tanilgan va muxlislari tomonidan sevilgan iste’dodli rassom Nadejda Riksiyeva, asarlar muallifining roziligini olgan holda rasmlarni katta fotozonalarga translatsiya qiladi. Soat 12.00 dan 22.00 ga qadar jonli ekspozitsiya fonida rasmga tushish mumkin bo’ladi.

Ijodiy mashg’ulot ishqibozlarini esa KNAUF tematik mahorat darslarida qatnashish uchun «Anhor-Lokomotiv», «Lokomotiv», Central Park va «Ecopark» istirohat bog’lariga taklif qiladi. Tashrif buyuruvchilar o’z qo’llari bilan gipsokartondan turli buyumlar yasashlari, gipsdan yasalgan figuralarni bo’yashlari va esdalik sifatida olib ketishlari mumkin bo’ladi. O’zlarini haqiqiy usta bo’lib his qilishni hohlovchilar esa, mix burash moslamasi yordamida gipskarton elementlarini pardevorga mahkamlab qo’yishlari mumkin bo’ladi. Tadbir 12 avgust kuni soat 16.00 dan 20.00gacha bo’lib o’tadi.

расписание_uzb.jpg

— Ishbilarmon ustalar har zamonlarda jamiyat tomonidan qadrlangan. Inson o’z hayotining katta qismini binolarda: uylarda, ofislarda, do’konlarda o’tkazadi va shu tufayli atroflarini mahkam devorlar va sifatli ich pardozlari o’rab turishini istaydi. KNAUF ta’mir ishlariga jalb qilingan ishchilarning yuqori mahorati, bilimi va hunarlari so’nggi natijaga katta ta’sir o’tkazishini tushunadi. Shu sababli, quruvchilarning bilim olishlariga investitsiya qilamiz va yosh mutaxassislarni qo’llab quvvatlaymiz. 6000 dan ortiq mutaxassislar o’quv markazlarimizning sertifikatlariga ega bo’ldilar. Hurmatli qurilish sohasi vakillari, kasb bayramingiz bilan tabriklashga ijozat bering! KNAUF qurilish materiallariga ishonch bildirishingizdan va kompaniyamizning ta’lim dasturlarini faol qo’llab quvvatlashingizdan fahrlanamiz. Oilalaringizda har doim tinchlik, hamjihatlik va farovonlik hukm sursin, — deya, qurilish sohasi vakillarini O’zbekistondagi KNAUF korxonalari direktori Dmitriy Deripalko tabrikladi.

Shahar

Sana

O’tkazish joyi

Vaqti

Farg’ona

06.08.2018

Axmad al-Farg’oniy nomidagi istirohat bog’i

18:00-20:00

Andijon

07.08.2018

«O’zbegim» savdo markazidagi MAKRO oldidagi maydoncha

18:00-20:00

Nukus

07.08.2018

A. Temur nomidagi istirohat bog’i

18:00-20:00

Namangan

08.08.2018

Bobur nomidagi istirohat bog’i

18:00-20:00

Urganch

08.08.2018

A. Temur nomidagi yangi istirohat bog’i

18:00-20:00

Buxoro

09.08.2018

Buxoro hokimiyati oldidagi Abu Ali ibn Sino Maydoni

18:00-20:00

Jizzax

09.08.2018

«Yoshlar Markazi» Istirohat bog’i

18:00-20:00

Navoiy

10.08.2018

A. Navoiy nomidagi markaziy madaniyat va istirohat bog’i

18:00-20:00

Samarqand

10.08.2018

A. Navoiy nomidagi istirohat bog’ining «Yoshlik» filiali

18:00-20:00

Qarshi

11.08.2018

 «ASL» istirohat bog’i

18:00-20:00

Termez

11.08.2018

«Bolajon» istirohat bog’i

18:00-20:00


Ma‘lumotnoma:

O’zbekiston Prezidentining 2017 yil 7-avgustdagi «O’zbekiston Respublikasi qurilish sohasi xodimlari kunini nishonlash to’g’risidagi» farmoniga muvofiq, 2017 yildan boshlab avgust oyining ikkinchi yakshanbasi “Qurilish sohasi xodimlari kuni” deb e’lon qilindi. Kasb bayrami “respublikamizda amalga oshirilayotgan qurilish va bunyodkorlik ishlarini jadallashtirish, qurilish sohasida erishilgan yutuqlarni keng ko’lamda targ’ib qilish va mutaxassislarni rag’batlantirish” maqsadida belgilangan. 2017 yil 21 dekabr kuni «O’zbekiston Respublikasida Qurilish sohasi xodimlari kunini belgilash to’g’risidagi” Qonun qabul qilindi.

KNAUF kompaniyasi haqida:

KNAUF – halqaro kompaniya bo’lib, oilaviy biznes tamoyillariga asosan tashkil topgan va o’zining global miqyosdagi faoliyatiga qaramasdan ushbu qadriyatlarni saqlab qolgan. Bugungi kunda KNAUF halqaro guruhi dunyodagi eng yirik qurilish mollari ishlab chiqaruvchilaridan biridir. 1993 yilda KNAUF o’z investitsion faoliyatini Rossiyada boshlagan,  keyinchalik Ukraina, Qozog’iston, O’zbekiston, Ozarbayjon va Gruziyada korxonalar sotib olingan va tashkil topilgan. Marketing faoliyati barcha MDH davlatlarida, Gruziya va Mongoliyada tarqalgan. MDH mamlakatlaridagi barcha KNAUF korxonalari zamonaviy asbob-uskunalar bilan ta’minlangan bo’lib, halqaro guruh doirasida yagona ishlab chiqarish texnologiyasidan foydalaniladi va yuqori sifatga ega qurilish mollari ishlab chiqariladi. Sifat standartlari Germaniyadagi KNAUF korxonalari hamda MDH davlatlaridagi korxonalar uchun yagonadir.

www.knauf.uz, www.knauf.ru, www.knauf.com saytlarida O’zbekistondagi KNAUF kompaniyasi, MDH davlatlari va dunyodagi KNAUF kompaniyalari to’g’risida batafsil ma’lumotga ega bo’lishingiz mumkin.