Har qanday binoning qurilishi uning bezak berish ishlari bilan yakunlanadi. Aynan ular binoning oxirgi ko'rinishini belgilaydi, konstruktsiyani atmosfera hodisalari ta'siridan himoya qiladi va ichkaridagi harorat rejimiga ta'sir ko’rsatadi.
Fasad ishlarini bajarishning ikkita asosiy usuli mavjud:
- Shamollatiladigan, - binoning devorlari va bezak beruvchi materiallar orasida bo'shliq qolganda. Binoning fasad qismlari kompozit panellar, sun'iy tosh plitalari bilan qoplanadi.
- Shamollatilmaydigan, - binoning devorlari turli aralashmalar bilan qoplanadi.
Bir yoki bir nechta dekorativ suvoqlardan foydalaniladi: mineralli, silikatli, akrilli, silikonli. Ko'p xususiy uylarning fasad qismlari aynan shu usullar bilan bezak beriladi.
Fasad ishlarini bajarishda jiddiy talablar mavjud. Binoning devorlari eski qoplamalardan tozalanishi kerak, izolyatsiya qatlamini almashtirish yoki montaj qilish ishlari amalga oshiriladi, kerakli qorishmalar bilan qayta ishlov beriladi. Agar kerak bo'lsa, fasadning dekorativ elementlari almashtiriladi yoki yangilash ishlari bajariladi. Ushbu ishlarni maxsus uskunalar bilan jihozlangan va sanoat alpinizm asoslarini biladigan malakali ustalar amalga oshirishlari kerak.
Binoning fasad qismini bezash, buyurtmachining shaxsiy istaklari va binoning funktsional yo'nalishi asosida tanlanadi. Zavodlar, sanoat korxonalari, savdo va biznes markazlari asosan kompozit panel yoki yuqori mustahkamlikka ega bo’lgan oyna bilan bezaklanadi. Toshkentdagi ko'plab xususiy uylarning fasadi dekorativ suvoq bilan qoplangan, kam hollarda alyukobonddan ham foydalaniladi.
Fasad ishlarini bajarishda birinchi navbatda nimalarni hisobga olish kerak?
Ko'p narsalar. Jarayon bir necha bosqichdan iborat bo'lib, ularning har biri mas'uliyatli yondoshuv va muayyan bilim va ko'nikmalar talab qiladi. Sizga eng yuqori sifatli materiallar, ularni to'g'ri tasarruf eta oladigan mutaxassislar guruhi, ishlarni bajarish uchun osma yoki devor konstruktsiyalari kerak bo'ladi.
Qurilish ishlarini yakunlamoqdamisiz va fasad ishlarini bajaruvchi malakali guruhlarni qidiryapsizmi? Ustabor.uz resursi ustalar katalogidan foydalaning. Malakali mutaxassislar qurilish va ta'mirlashning turli jabhalarida, jumladan fasadlarni bezatishda o’z xizmatlarini taklif etadilar.
