Bugun biz Protected Tools ga taalluqli Bosch GLM 50-27 CG lazerli masofa o‘lchagichni chiqamiz. Nafaqat tashqi o‘zgarishlarni, balki konstruktiv o‘zgarishlarni ham ajratib ko‘rsatamiz hamda uning qanday texnik tavsifnomalarga va imkoniyatlarga egaligini ko‘rib chiqamiz.
Protected Tools — bu masofa o‘lchagichlar, tekislik yaratgichlar, nuqtali lazerlar va boshqa asboblar to‘plami bo‘lib, ularning har biri tushib ketishdan, namlik va chang kirishidan qo‘shimcha himoya bilan ajralib turadi. Aynan shuning uchun, GLM 50-27 CG qiyin qurilish sharoitlarida ishlash uchun juda mos keladi.
GLM 50-27 CG — mustahkam, funksional lazerli masofa o‘lchagich bo‘lib, yashil nuqtani mukammal ko‘rish imkonini beradi. U masofani o‘lchash, maydon va hajmni hisoblash bilan birga Pifagor qiymatlarini aniqlashni ham a’lo darajada bajaradi.
GLM 50-27 CG masofa o‘lchagichining xususiyatlari haqida batafsil ma’lumot:
Mustahkamlangan, maksimal rezinalangan konstruksiya. GLM 50-27 CG jadal ishlarni olib borish paytida qo‘ldan sirg‘alib ketmaydigan amortizatsiya qiladigan rezina korpus bilan jihozlangan. Shu bilan birga, masofa o‘lchagichning og‘irligi atigi 170 grammga teng. Protected Tools qo‘shimcha himoya tizimi. Masofa o‘lchagich 1,5 metr balandlikdan tushib ketish sinovidan o‘tkazildi. Chang va namlikning kirishidan esa IP 65 standarti bo‘yicha himoyalangan.
Uzoq o‘lchov masofasi. 50 m gacha bo‘lgan o‘lchovlarni samarali bajaradi va olingan ma’lumotlarni tezda hujjatlashtiradi.
Yashil lazer nuri. GLM 50-27 CG yashil lazer nuriga ega. Ayrim foydalanuvchilar yashil nurning kuchli yoritilgan joylarda va yorug‘ yuzalarda juda yaxshi ko‘rinishini ta’kidlaydi.
Kengaytirilgan funksionallik. Uzunlik, maydon, hajmni o‘lchash, shuningdek, eng uzoq va eng yaqin nuqtani uzluksiz o‘lchash. Ruletkaning vizualizatsiyasi ham yaxshi tomonga o‘zgargan. Devorlar maydonini o‘lchash imkoni mavjud va bilvosita o‘lchash funksiyasi (Pifagor) o‘rnatilgan. Bo‘laklarni ajratish funksiyasi masofani bir nechta teng bo‘laklarga qulay va tez bo‘lish imkonini beradi. Sukut bo‘yicha asbobda o‘rnatilgan uzunlik 1 metrni tashkil qiladi, lekin foydalanuvchi boshqa istalgan qiymatni o‘rnatishi mumkin. GLM 50-27 CG asbobning chetidan: orqa tomonidan; markaziy; old tomonidan hisoblash nuqtalarini o‘rnatish imkonini beradi. Bundan tashqari, o‘rnatilgan masofaning takrorlanish sonini aniqlash uchun belgi qo‘yish funksiyasi qo‘shilgan. Xatolik butun ishchi oraliqda atigi 1,5 mm ni tashkil qiladi. Shuningdek, o‘lchov birliklarini ham o‘rnatish mumkin.
Biroz yoritiladigan rangli displey. Endi olingan o‘lchov natijalarini har qanday yorug‘lik sharoitida oson ko‘rib chiqish mumkin. Tasvirlar yanada yorqin va sifatli bajariladi. Yanada qulaylashtirish uchun rangli displey asbobning holatiga mos ravishda aylantiriladi.
Bluetooth® funksiyasi. Bu funksiya Bosch o‘lchash texnikasi uchun yangi emas, lekin ilovaning o‘zi o‘zgargan. Endi bu Bosch MeasureOn bo‘lib, uning yordamida o‘lchov natijalarini kompyuter yoki smartfonga o‘tkazish va saqlash mumkin.
Ovoz va vibratsiya signallari. Asbobning “Vibratsiya signallari” sozlamalari menyusiga kiritilgan. Bu, foydalanuvchi displeyni ko‘ra olmaydigan, masalan, yopiq va tor joylarda o‘lchov o‘tkazish paytida ayniqsa qulaydir. O‘lchov muvaffaqiyatli bajarilganligi haqida masofa o‘lchagichning o‘zi ovozli signal berish orqali xabar beradi.
Energiyani tejash rejimi. "Energiyani tejash" rejimi yoqilganda, displey yorqinligi pasayadi, barcha ovozli signallar o‘chiriladi, bu esa ish vaqtini uzaytirish va qo‘shimcha o‘lchovlarni bajarish imkonini beradi.
O‘lchovlarni xotirada saqlash. Xotirada 30 tagacha o‘lchov natijalarini saqlaydi.
Oldingi modelga nisbatan uzoq ishlash vaqti. Ikkita AA turdagi batareya hisobiga vaqt uzaytirilgan.
Komplektatsiya: masofa o‘lchagich, g‘ilof, mahkamlash uchun halqa, ikkita AA turdagi batareya, foydalanish uchun qo‘llanma.
Agar savolingiz bo‘lsa yoki masofa o‘lchagich va boshqa Bosch asboblari haqida batafsil ma’lumot olishni istasangiz, iltimos, rasmiy dilerlarga murojaat qiling, hozirgi paytda ularning do‘konlari O‘zbekistonning ko‘plab shaharlarida faoliyat yuritmoqda.
