Gipsokartonni kim ixtiro qilganligini bilasizmi? U XIX asrda Avgustin Sakett ismli shaxs tomonidan kashf etilgan. Avgustinning shaxsiy qog‘oz fabrikasi bo‘lgan, o‘sha yerda ilk o‘n besh millimetrli listlar tayyorlangan.
Boshida mahsulot bir-biri bilan yupqa gips qotishmasi yordamida yopishtirilgan o‘n qavat qog‘ozdan iborat bo‘lgan. 1894 yilda fabrika sohibi listni patentladi, u
bugungi kelib tengsiz sanaluvchi mashhur gipsokartonning ajdodi bo‘ldi.
O‘tmishdagi gipsokarton hozirgilaridan tubdan farq qilgan. Lekin u paytda pardozlash materiallari tanlovi keng bo‘lmagan, shu sababli, usti g‘ovak va ichi mo‘rt sifatsiz mahsulotga aytarli e'tiroz bildirilmagan.
1932 yilda germaniyalik muhandislar — aka-uka Knauf o‘z vatanlarida birinchi gipsokarton fabrikasini ochishdi. Shu yerda bizga tanish ko‘rinishdagi, ya'ni qator ijobiy iste'mol xususiyatlariga ega gipsokarton ishlab chiqarilishi boshlandi. Knauf gipsokartoniga 86 yil to‘ldi va nemis brendining listlari bugunga qadar alohida shuhrat qozonib kelmoqda, buni ekspertlar fikrlari va iste'molchilarning ijobiy mulohazalari tasdiqlab kelmoqda.
Keyingi o‘n yillarda gipsokarton listlari sifati sezilarli tarzda o‘zgardi. Ilg‘or texnologiyalar tufayli iste'molchi mustahkam, samarali ish beruvchi materialga ega bo‘lmoqda.
Intererdagi gipsokarton: original usullar
Gipsokarton turlari, zihlar turlari va tanlovning boshqa parametrlari
Zamonaviy gipsokarton ta'mirlashda keng qo‘llaniluvchi universal pardozlash materiali sanaladi. Qurilish bozoriga qanday kelib qolganligi noma'lum “Xitoydan chiqqan” sifatsizlari bundan mustasno. 
Mashhur gipsokartonning afzalliklari
Gips “nafas oluvchilar” toifasiga kiradi, uning tuzilmasi xonadagi namlik darajasini barqarorlashtirish imkonini beradi. Gipsokarton listi havoda namlikni ko‘payganda uni yutadi va yetishmaganda qaytaradi. Gips “masallig‘i” joylangan karton ideal darajada tekislikka ega, u suvoq tortishdan oldin maxsus manipulyasiyalarni talab qilmaydi.
