Betonchi — betonli va temirbetonli qurilish konstruksiyasini tayyorlashda foydalaniladigan beton qorishmalarni tayyorlovchi mutaxassis.
Me’moriy elementlarning texnologik xarakteristikalari turli-tumanligi bois, betonchi barcha og’irlik faktorlarini, o’rnatilishini, montaj qilinishini va qurilmadan foydalanilishini hisobga olgan holda, manba materillning aniq hisob-kitobini yuritishi zarur. Strukturasida beton mahsulotlari mavjud bino elementlari va tuzilmalari betonchilar, payvandchilar va armaturachilar tomonidan bajariladi. Temirbeton tuzilmalarni yaratish uchun qurilishning kamida uch sohasidan xabardor bo’lish kerak. Uy poydevorlari, zinapoyalar oraliqlari, qavatlar oraliq tomlari, devorlar, ko’priklar, tunnellar, hovuzlar, ariqlar va xattoki o’rindiqlar ham beton bo’yicha mutaxassislar tomonidan amalga oshiriladi.
Ta’mirlash ishlarida betonchi xizmatidan foydalanmaslikning iloji yo’q: pollar styajkasi, eshik oldi tuzilmasi, landshaftni o’zgartirish kabilar mutaxassislar bilimi va ko’nikmasiga aloqador.
Masalaning yechimi yetarlicha bilimga ega bo’lmagan mutaxassis tomonidan hal qilinsa, tez orada yana bir qator muammolar tug’iladi. Tarkibiy qismlarning noto’g’ri aralashgani, qorishmaning notekis quyilgani yoki noto’g’ri hisob-kitoblar, beton mahsulotini muddatdan avval buzilishiga olib keladi.
