Yuqori namlikka ega xonalarni ta’mirlash va jihozlashda faqat mahsus qurilish materiallaridan foydalanish lozim. Masalan, namga chidamli gipsokarton. U oddiy gipsokartonga nisbatan qator farqlarga ega, uning ommabopligi nafaqat hamyonbop narx va yuqori sifat bilan, balki turli xil xonalarda ishlatilishi mumkinligi bilan izohlanadi.
GKLV(ГКЛВ) – vanna, xojatxona, oshxonada keng qo’llaniladigan universal namga chidamli material.
Namga chidamli gipsokartonni oddiysidan qanday farqlash mumkin:
Oddiy gipsokartonning karton qavati kul rangda, namga chiqamlisi esa – yashil rangda bo’ladi;
Namga chidamli gipsokartonning har bir butun qismi (listi) GKLV (ГКЛВ)belgisiga ega, oddiy gipsokarton esa – GKL (ГКЛ);
Namga chidamli gipsokarton arzon yoki oddiy gipsokarton bilan bir xil narxda bo’lishi mumkin emas.
Namga chidamli gipsokarton sertifikatga – mahsulot sifatini tasdiqlovchi hujjatga ega.
Namga chidamli gipsokartonning ustunligi:
- inson va atrof-muhit uchun xavfsiz;
- namga chidamli yuqori tavsifga ega;
- shovqindan himoyalovchi funktsiyalarni bajaradi;
- o’rnatishda juda qulay;
- turli bezatuvchi materiallarni qo’llashda cheksiz imkoniyatlarga ega;
- gipsokarton qismlari (listi) yetarlicha egiluvchan bo’lib, eng murakkab konstruktsiya va shakllarni yaratishga imkon beradi;
Namga chidamli gipsokartonni qo’llanilishi:
Namga chidamli gipsokarton yuqori namlikka ega turar va noturar joylarni bezatishga mo’ljallangan: mansard, cherdak, vanna xonasi va hojatxona, sport majmuasining kiyinish xonasi, hammom qoshidagi xona, keramik plitka bilan bezatilgan basseynlar, yomon issitiladigan garajlar, ombroxona, oshxona va namligi yuqori bo’lgan boshqa xonalar. Gipsokartonni kafel bilan bezatish mumkin. Xonaning o’lchami va ishlatilish maqsadiga qarab gipsokartonning tegishli o’lchami tanlab olinadi.
Karton qavatining yashil rangini o’zi mahsulotning namga chidamligini ta’minlab beraolmaydi. Namga chidamlilik hususiyatlar mahsulotni ishlab chiqish jarayonida uning ichiga kremniorganik qo’shimchalar (gidrofobizatorlar) qo’shilishi natijasida vujudga keladi. Agar ishlab chiqaruvchi bilib turib gidrofobizatorlardan foydalanmasdan faqat yashil rangni qo’llasa, bu haridorni aldash hisoblanadi.
Montaj alohida jihatlari va ishlatish:
Agar montaj jarayonida ishlab chiqaruvchi tomonidan berilgan tavsiyalarga rioya etilsagina, mahsulot ko’p yillar xizmat qiladi. Umuman olganda, namga chidamli gipsokartonni havoning tegishli almashinuvini ta’minlovchi va kondensatning oldini oluvchi tabiiy va o’tkazilgan ventilyatsiya tizimiga ega xonalarda ishlatish mumkin.
Karkas tizimidagi bo’shliqni gidrofobli izolyator bilan to’ldirish maqsadga muvofiq, chunki bu namdan himoyalash, issiqlikni saqlash va shovqindan himoyalashda qo’shimcha bo’gin bo’ladi.
Gipsokartonni faqat tekshirilgan sotuvchilar va mashhur brendlardan sotib olish lozim. Tanlov masalasida mutahassis bilan maslahatlashish ortiqchalik qilmaydi, chunki bu qalbaki mahsulot uchun pul to’lash va kutilgan sifatga ega bo’lmaslikdan himoya qilishi mumkin. Sifatli mahsulotga sotuvchi uning ta’rifi berilgan tegishli sertifikatni taqdim qilishi mumkin. Qalbaki va arzon analoglar bilan ishlaganda qator muammolar vujudga keladi. Ishlatish jarayonida esa, mahsulot sotuvchi va’da qilgan sifat va chidamlilikka ega emasligi ma’lum bo’ladi. Bularning hammasi qo’shimcha harajatlar va zamonaviy hamda universal hisoblangan gipsokarton materialidan ranjishga olib keladi.
Haqiqiy namga chidamli gipsokartonni tanlash bo’yicha yo’riqnomani sizning e’tiboringizga havola qilamiz.
