GRL 650 CHVG Professional — aylanish va skanerlash funksiyasiga ega ishonchli va ishlatish uchun qulay professional rotatsiya nivelir. Odatiy lazerli sath o'chagichdan farqli o'laroq, GRL 650 CHVG rotatsiya niveliri keng ko'lamli qurilish ishlari uchun mo'ljallangan: qabul qilgichdan foydalanganda o'lchash va belgilash radiusi 600 metrgacha yetadi.
GRL 650 CHVG niveliri bilan siz eng qiyin qurilish maydonchasi sharoitlarida ham ishlashingiz, aniq natijalarni olishingiz va vaqtni tejab qolishingiz mumkin
Qurilmaning joylashuviga qarab, u aniq gorizontal, vertikal va 360 ° qiyalikdagi chiziqlarni proyeksiyalaydi. Ta`komillashgan xavfsizlikning 2 sinfiga mansub yashil lazer texnologiyasi esa turli yorug'lik sharoitlarida (hatto noqulay ob-havoda ham) aniq ko'rinishni ta'minlaydi. GRL 650 CHVG Professional devorlarning holatini montaj va nazorat qilish, gipsokartondan bo'lgan pardevorlar va shiftlarini tekislash, suv quvurlarini, isitish, shamollatish va konditsiyalash tizimlarini yotqizish, poydevor va panjaralar (obreshyotka)ni yaratish, shuningdek, nishabli obyektlar, jumladan, zinapoyalar, boloxonalar, landshaft dizayni elementlari, ko'p darajali shiftlarning murakkab konstruksiyalari va boshqalar bilan ishlashda mukammal yordamchi bo'ladi.
Nivelir og'ir sharoitlarda ishlashga bardosh beradigan mustahkam konstruksiyaga ega. IP68 sinfiga oid chang va suvga chidamlilik standartlariga javob beradi va 2 m balandlikdan tushib ketishga ham chidamli. Vertikal va gorizontal nivelirlash uchun Leveling Remote ilovasini o'rnatish orqali sozlamalarni masofadan boshqarish, shu jumladan ikki o'qda qiyalikni o'rnatish mumkin, bu vaqtni tejash va maksimal darajada e'tiborni ishga qaratish imkonini beradi. GRL 650 CHVG funksiyalarini ham o‘rnatilgan klaviatura orqali ham, masofadan boshqarish pulti (to'plam ichiga kiritilgan) yordamida ham boshqarish mumkin, bu lazer bloki devorga yoki shift ostiga o‘rnatilganda, ayniqsa, qulaydir.
GRL 650 CHVG afzalliklari:
• yuqori darajada uzoqlik (600 metrgacha) va vertikal va gorizontal tekisliklarni qurishning aniqligi;• lazer aylanishi va dumaloq skanerlash;
• 3 xil aylanish tezligi;
• quvurlarni o'rnatish uchun burchak ostidagi nurli proyeksiyalash;
• qo'shimcha imkoniyatlar va funksiyalar to'plami;
• puxta o'ylangan dizayn va ijro;
• turli holatlarda mahkamlash;
• ishonchlilik va xavfsizlik.
Qo'shimcha ma'lumotlar:
GRL 650 CHVG Professional 18V sinfiga oid Bosch litiy-ionli akkumulyatori yoki 4 ta D-tipli (LR20) ishqoriy batareyalarda ishlaydi, ular nivelirni 60 soatgacha quvvat bilan ta'minlaydi.
Texnik parametrlari:
Qabul qilgich bilan ishlash maydoni: 600 mNivelirlashning aniqligi: gorizontal bo'yicha ± 1,5 mm / m; vertikal bo'yicha ± 3,0 mm/m
Skanerlash burchagi: 360°
Akkumulyator kuchlanishi: 18V
Ishchi harorati: -10 dan + 50°C gacha
Lazer sinfi: 2
Chang va suv tomchilaridan himoya darajasi: IP68
Aylanish tezligi: 150/300/600 ayl/daq
Bitta akkumulyator zaryadida maksimal ishlash vaqti: 50 - 60 soat
4,0 Ah batareya bilan og'irligi: 4,3 kg
Ishqoriy batareyalar bilan og'irligi: 4,6 kg
Butlovchilari: LR 65 G lazerli qabul qilgich, RB 60 tutqich, RC6 masofadan boshqarish pulti, 1 ta ProCORE18V 4,0Ah akkumulyator, 4 ta LR20 (D) batareya, 4 ta LR6 (AA) batareya, GAL 18V-40 Professional tez quvvatlantiruvchi qurilma, WM 6 professional devor o'rnatish, shtativ, lazerli nishon, lazer nurini kuzatuvchi ko'zoynaklar (yashil), plastik chemodan, yo'riqnoma.
Ishlab chiqaruvchidan kafolatli original asboblar — faqatgina O'zbekistondagi rasmiy Bosch Professional dilerlarida! Ularning manzillari va aloqa ma'lumotlarini bilish uchun havolaga o'tishingiz mumkin.
