Pardevor — bu oddiy devor emas

To‘g‘ri pardevor — makonning qulayligi, xavfsizligi va funksionalligini shakllantiradigan tizim.

Usta uchun — maʼlum xususiyatlarga ega bo‘lgan va oldindan loyihalashtirilgan konstruksiya.

Pardevor bu — «gipsokarton va profil» emas, balki karkas, qoplamalar, izolyatsiya, zichlagichlar va biriktirish tugunlardan iborat muvofiqlashtirilgan tizim bo‘lib, u aniq vazifalarni bajaradi: tovush izolyatsiyasi, olovbardoshlilik, namlikka chidamlilik, mustahkamlik va yuklarni osish imkoniyati.

Zamonaviy pardevor nimalar «qila» olishi kerak:

• Ortiqcha maydonni yo’qotmasdan boʻlmalarga ajratish;
• Xonalar o‘rtasida qulay sokinlikni ta’minlash;
• Yong’in va tutun tarqalishini evakuatsiya muddatigacha cheklash;
• СNam muhitga chidamlilik (hammom, oshxona, kir yuvish xonalari);
• Tokchalar, shkaflar, televizorlar va eshiklarni deformatsiyasiz mahkamlash;
• Muhandislik kommunikatsiyalarini o‘tkazishga yaroqli bo’lish va ta’mirlashda qulaylik yaratish;
• Orayopmalarga ortiqcha yuk bermaydigan yengil konstruksiya bo’lib tez mantaj va demontaj imkoniyatini yaratish.

Oddiy iste’molchi pardevorni qanday tanlashi kerak:

1. Vazifani aniqlab oling

• Sokinlik: mehmonxona yonidagi yotoqxona, bolalar xonasi, ish kabineti;
• Namlik: hojatxona, oshxona, tozalash xonalari;
• Mustahkamlik: mebel, eshiklar, santexnika buyumlarini mahkamlash;
• Xavfsizlik: evakuatsiya yo‘llari, qozonxonalar.

2. Mezonlarni belgilang

O’zingizga savol bering va istaklaringizni usta bilan muhokama qiling:

• Sokinlik. Devor ortidan televizor ovozi va qo‘shnilar suhbati eshitilmasligini hohlaysizmi? Unda sizga yuqori tovush izolyatsiyasiga ega bo‘lgan pardevor zarur.
• Yong‘in xavfsizligi. Yong‘in paytida vaqtdan yutish muhimmi (deylik, yo‘lak, qozonxonada)? Unda yong‘inga chidamli yechimni tanlang.
• Namlikdan himoya. Hojatxonadagi devor, dushxona/oshxona/kir yuvish xonasini namlik taʼsiridan asramoqchimisiz? Unda namlikka chidamli materiallar va gidroizolyatsiyadan foydalaning.
• Maydon. Kvadrat metrlarni saqlash muhimmi? Unda kerakli xususiyatlarga ega yupqa pardevorni tanlang.
• Byudjet va muddat. Tez va ortiqcha xarajatlarsiz taʼmir kerakmi? Unda «quruq» montajni tanlang va byudjetni oldindan kelishib oling.

Yechimlarni taqqoslang

1. Bir qatlamli gipskarton qoplama va mineral paxtali karkasdan iborat pardevor – maxsus talablar qo’yilmaydigan xonalar, masalan, omborxonalar uchun mos keladi.
2. Kuchaytirilgan (ikki qatlamli qoplama) – sokinlik/yuklamalar uchun.
3. Namlikka chidamli (namlikka chidamli qoplamalar, gidroizolyatsiya) – nam muhitli boʻlmalar uchun.
4. Barcha xususiyatlar bitta pardevorda (zarbaga chidamli, yuqori tovush izolyatsiyasiga ega qoplamalar) – yotoqxonalar uchun ayni muddao.

Uydirmalar va faktlar: aniq raqamlarda

1. «Gipsokarton – mo‘rt»

Bitta mahkamlagichda yuk koʻtarish qobiliyati (1 ta mahkamlash nuqtasi):

• 12,5 mm maxsus dyubel bilan mahkamlangan 1 qatlam GKQ/GKQN (GQP-A/GQP- H2) bilan quyidagi koʻrsatkichga erishish mumkin: 0,35 kN (35 kg);
• 2 qatlamda (≈25 mm): 0,55 kN gacha (≈55 kg);
• Namunaviy buyumlar:
• televizor 10-35 kg.
• oshxona shkaflari – bir qatlamli qoplamada chiziqli yuklama 40 kg/pog.m; ikki qatlamli qoplamada esa 60 kg/pog.m.
• 50-80 litrli boyler – faqat oʻrnatma/ramada: 1,0-1,5 kN («qoplama»ga emas).
• Mustahkamlikning kaliti: ikki qatlamli qoplama, oʻrnatma (faner/metall), to‘g‘ri turdagi anker.

2. «Sokinlikni taʼminlamaydi»

• Tovush izolyatsiyasi bo‘yicha taqqoslash (Rw):
• 120 mm suvalgan g’isht devor: Rw ≈ 47-49 dB (pardozlangan devor qalinligi ≈160 mm);
• KNAUF S112 (75x50 PSh profili, har ikki tomonda 2x12,5 mm gipskarton + 50 mm mineral paxta, zichligi 15 kg/m3): Rw ≈ 52 dB, qalinligi ≈ 125 mm;
• KNAUF S111 (har ikki tomondan bir qatlam qoplama + mineral paxta): Rw ≈ 45- 50 dB, qalinligi ≈ 75-125 mm;
• KNAUF S115 ajratilgan karkasda: Rw ≈ 58-61 dB, qalinligi ≈ 170-370 mm.
• Amaliyot: Zichlovchi tasma, rozetkalar uchun akustik qutilar, eshiklarni zichlash orqali perimetrni germetizatsiyasini taʼminlang, bu tovush izolyatsiyasining pasayishiga yoʻl qoʻymaydi.

3. «Suvdan qo‘rqadi»

Materiallar:
- qalinligi 0,6 mm, o’rnatish oralig’i 400 mm dan oshmaydigan ruxlangan po’lat profillardan tayyorlangan karkas;
• qalinligi 12, 5 mm, ikki qatlamli GKQN (EN 520 bo‘yicha H2 namunasidagi GQP) - namlikka chidamli, sirtning suv shimuvchanligi ≤10% (2 soat); plitka ostida va gidroizolyatsiya bilan hojatxonalarda barqaror ishlaydi;
• KNAUF Akvapanel® sement plitalari - suvga chidamli (uzoq vaqt namlanganda buzilmaydi), doimiy nam joylar (dush, basseyn) uchun ruxsat etiladi;
• plitka osti gidroizolyatsiyasi (surtma);
• burchaklar va quvurlar kirish joylaridagi germetik tasmalar/manjetlar - eng zaif nuqtalarda suv o’tishini yoʻl qoʻymaydi.

Yechimlar misollari:

• dushxona devorlari: KNAUF Akvapanel® + gidroizolyatsiya + plitka – doimiy namlanish uchun;
• to‘g‘ridan-to‘g‘ri suv ta’siri bo’lmagan hojatxona devorlari: GKQN (GQP-H2) + gidroizolyatsiya + plitka - davriy namlik uchun.

Eslatma: namlikka chidamli qoplamalarning haqiqiy namga chidamlilik ko’rsatkichlarini albatta tekshiring. GOST 32614-2012 (EN 520:2009) bo‘yicha ishlab chiqarilgan plitalardan foydalaning va faqat sinovdan oʻtgan ishlab chiqaruvchilarga ishoning.

Loyihalash va o‘rnatish

Texnik topshiriqnoma: tizimni tanlashdan oldin to‘ldiring
1. Xona va foydalanish rejimi (quruq/nam/ho’l).
2. Talablar: tovush izolyatsiyasi (Rw), olovbardoshlilik (EI), zarbaga chidamlilik.
3. Geometriya: balandlik, uzunlik, eshik va tirqishlarning joylashuvi va turi.
4. Yuklama: osiladigan jihozlar (kg/mahkamlagich), shkaflar, santexnika, televizor.
5. Kommunikatsiyalar: elektr ta’minoti, suv ta’minoti, past tok tizimlari, lyuklar.
6. Asos: qavat orayopmasi/pol/shift turi, ehtimoliy deformatsiyalar, tutashmalar.
7. Iqlim: namlik, harorat o‘zgarishi.
8. Tizim va materiallarni tanlash.
9. Karkas: kerakli balandlik va qalinlikdagi PSh/PY profil; qoplamalar va yuk koʻtaruvchi ustunlar qadami.
10. Qoplama: boʻlmaga xos qoplama turi: oddiy, olovbardosh, namlikka chidamli, yuqori mustahkamlikka ega yoki har qanday vazifalarga moʻljallangan KNAUF-Sapfir. (GQP-DFH3IR) universal tovush o‘tkazmaydigan qoplamalar.
11. Qatlamlar: bir yoki ikki qatlamli qoplama; choklarni siljitish.
12. Izolyatsiya: akustika/yong‘inga talablari bo‘yicha kerakli zichlikdagi mineral paxta.
13. Zichlagichlar: yo‘naltiruvchi profil ostiga zichlovchi tasma.
14. Tugunlar: tutashmalar, deformatsion, shiftlarga qiya tutashish, eshik/deraza oʻrinlarini hoshiyalash.
15. Oʻrnatmalar: osiladigan yuklar va eshik bloklari uchun fanera /metall oʻrnatmalar.

Montaj – qisqa algoritm

1. O‘qlar joyini belgilash, balandlik va tekislikni nazorat qilish;
2. Yo‘naltiruvchi profillarni asos va shiftga zichlovchi tasma bilan o’rnatish;
3. Ustunlarni profillarni kerkakli qadamda o’rnatish tirqishlar zonasida bog’lash/rigellar va ko’ndalang bog’lovchilarni o’rnatish;
4. Muhandislik kommunikatsiyalarini vibratsiya uzatilishini cheklovchi himoya bilan yonqizish;
5. Birinchi qoplama: pol/shiftdan texnologik tirqish bilan, mahkamlash sxemasi bo’yicha choklarni berkitish;
6. Tirqish va ko‘priklarsiz izolyatsiyani yotqizish;
7. Izolyatsiyani (mineral paxta) bo’shliq va «ko’priklarsiz» yotqizish;
8. Ikkinchi qoplama:choklarni siljitgan holda choklarni tizimli materiallar bilan berkitish;
9. Nazorat: geometriya, mahkamlagich, tugunlar pasporti.

Ko‘p uchraydigan xatolar:

• Yo‘naltiruvchi profillarda zichlovchi tasmaning yo‘qligi;
• Choklarni oʻzaklash uchun serpyankadan foydalanish;
• Egilishi bo’lgan shiftga ustun profillarni qattiq mahkamlash;
• Izolyatsiyani to’liq yotqizmaslik yoki siqib qo’yish – «tovush ko‘priklarini» hosil qiladi;
• Qoplama qatlamlari orasida choklarning ustma-ust tushishi yoki tirqishlarning burchaklarida choklar qilish;
• Eshiklar va osmalar ostidan oʻrnatmalarning yo‘qligi;
• O’tkazuvchi teshiklarni akusik germetik bilan yopmaslik.

Ishni boshlashdan oldin toʻldiriladigan cheklist

1. Ob’yektda akustika va yong’in bo’yicha talablar bormi?
2. Eshiklar, osilma yuklar (javon/shkaf/TV) va muhandislik kommunikatsiyalari hisobga olinganmi?
3. Zona (quruq/nam/ho‘l) bo‘yicha list turlari va izolyatsiya tanlanganmi?
4. Tutashma va eshik/deraza joylari chizilganmi?
5. Zichlovchi tasmalar, germetiklar va oʻrnatmalar xarid qilinganmi?
6. Sifat nazorati rejasi va yashirin ishlar dalolatnomasi tayyormi?

Qiyinchiliksiz akustika

1. Konstruksiyalarni ajrating: dempfer (akustik) lentalar, yuqori talablar bo‘lganda ajratilgan karkaslar.
2. Massani va ajratishni oshiring: ikki qatlamli qoplama, yuqori zichlikdagi listlar, choklarni siljitish.
3. Bo‘shliqni to‘ldiring: mineral paxtani butun balandlik bo‘ylab, tirqishlarsiz oʻrnating.
4. Perimetr va kirish joylarini zichlang: tovush 1-2 mm oraliqdan «sizadi».
5. Eshiklar va rozetkalar — zaif nuqtalar: muhrlangan eshik bloklari (korobkalari), akustik podrozetniklar, rozetkalarni turli (qarama-qarshi) tomonlarda siljitib joylashtirish.

Nam va «og‘ir» zonalar

• Vannaxonalar/hojatxonalar: namlikka chidamli qoplamalar, nam joyni gidroizolyatsiya qilish, shamollatish.
• Oshxona/kir yuvish xonalari: namlikka chidamlilik + osma shkaflarni o’rnatish uchun qo‘shimcha jihozlar.
• «Og‘ir» buyumlarni ilish: oldindan tag oʻrnatma bilan; yoki yuk ko‘tarish qobiliyati tasdiqlangan maxsus dyubellar/ankerlar.

Tejamkorlik va barqarorlik

• Yupqaroq — ko‘proq maydon: tizimli pardevorlar, taqqoslanadigan qulaylikda g‘isht devorlarga nisbatan yupqaroq.
• Yengillik orayopmalarga tushadigan yukni kamaytiradi va ishni tezlashtiradi.
• Quruq jarayon – kamroq «ho‘l» tanaffuslar va qurilish namligi, suvni tejash.
• Gips va po‘lat qayta ishlanishga yaroqli, massivli terishga nisbatan uglerod izi kam.

Mini-keys: mehmonxona yonidagi sokin yotoqxona

1. Vazifa: TV ovozi va qo‘shnilarning suhbati uxlashga xalaqit bermoqda.
2. Yechim: yuqori zichlikdagi KNAUF-Sapfir (GQP-DFH3IR) yuqori tovushni izolyatsiyasiga ega qoplamalar bilan ikki qatlamli qoplamardan iborat karkasli pardevor, bo’shliqni mineral paxta, perimetrini zichlash.
3. Detallar: TV uchun maxsus dyubellar, tovush izolyatsiyasiga ega rozetkalar, zichlagichli eshik bloki.
4. Natija: shovqinning sezilarli pasayishi, 1-2 kun ichida bajariladigan toza montaj.

Xulosa

Pardevor – bu quyidagi xususiyatlarni kuchaytirish mumkin bo‘lgan tizim:

• tovush izolyatsiyasi;
• olovbardoshlilik;
• namga chidamlilik;
• mustahkamlik.

Shu bilan birga, pardevor foydali maydonni tejaydi.

Ishonchli natijaga erishish uchun, albatta, KNAUF ishlab chiqqan sertifikatlangan tizim yechimlaridan foydalaning va loyihalash hamda o‘rnatish texnologiyasiga qat’iy rioya qiling.

Batafsil knauf.uz saytida tanishing.